Shqipëria përjetoi një verë të thatë dhe të nxehtë.
Sipas ekspertëve të Institutit të Gjeoshkencave gjatë muajt gusht u shënua rekord pasi çdo natë ishte natë tropikale ku vlerat minimale nuk zbritën nën 20, apo 22 gradë Celsius.
Por edhe pse zyrtarisht në vjeshtë, shtatori do të vijojë të ketë temperatura të larta.
Në fund të kësja jave priten reshje shiu por nuk do të sjellin freskim të motit madje as ulje të rrezikut për zjarre në pyje.
Ekspertët parashikojnë se i gjithë viti do mbyllet me temperatura më të larta se vlerat mesatare të 30 viteve të fundit, për shkak të fenomenit El Nino
Sipas Organizatës Botërore të Meteorologjisë, në rang global për shkak të ndryshimeve të klimës temperaturat janë rritur me 1.6 gardë Celsius, ndërkohë që nga efekti i el nino rritet dhe me 0.5 gradë globalisht.
