E ngarkuara me punë e SHBA-ve, Leyola Moses-Ones ka mbërritur në zyrën e Presidentit Meta këtë të enjte.
Mësohet se diplomatja amerikane po zhvillon një takim në Presidencë ku temë e diskutimit mendohet të jetë vendimi i kreut të shtetit për 30 Qershorin.
Më herët, SHBA dhe BE kanë qenë të ashpër me qëndrimet e tyre duke theksuar se shqiptarëve u duhet garantuar e drejta e votës brenda afatit kushtetues.
Takimi vjen pak minuta para nisjes së seancës plenare ku do të zhvillohet mocioni me debat për Ilir Metën.
Kujtojmë se SHBA nuk ka reaguar më parë në lidhje me ç’dekretimin e Presidentit, ndërsa sot mendohet se kreut të shtetit do t’i raportohet qëndrimi i Uashingtonit.
JavaNews / a.rada
