Policia e Malajzisë ka njoftuar se sulmi që ndodhi në një restorant javën e kaluar, ku mbetën të plagosur 8 persona, është kryer nga militantë të Shtetit Islamik.
Fillimisht policia tha se sulmi më 28 qershor në Movida, pranë Kuala Lumpur, mund të kishte ndodhur për motive konkurrence, nga biznese rivale, por tashmë kjo pistë ka rënë.
Autoritetet tashmë kanë konfirmuar edhe arrestimin e dy personave të dyshuar si autorë të kësaj ngjarje. Ndërsa shprehen të shqetësuar në lidhje me rritjen e rrezikut për të tjera sulme nga ISIS, përcjell tch.
Kemi arritur në përfundimin se dy nga autorët kanë marrë udhëzime nga një prej shtetasve tanë i cili ka shkuar të luftojë në Siri përkrah militantëve të Shtetit Islamik”, tha shefi i policisë.
Me dhjetëra persona janë arrestuar në Malajzi si të lidhur me Shtetin Islamik. Zyrtarët vendas kanë paralajmëruar për një kërcënim të shtuar nga grupi ekstremist./a.m.
