Gazeta portugeze “Diário de Notícias” e ka zbuluar se Renato Sanches është në të vërtetë 18 vjeçar, duke i hedhur poshtë kështu zërat se ai ka 23 apo 24 vjet.
Në bazë të dokumenteve të spitalit “Hospital de Amadora-Sintra”, Sanches ka lindur më 18 gusht 1997 në ora 15:25, me peshë 2.56 kilogram, transmeton Marca nga mediumi portugez.
Ky është një lajm i mirë për vet lojtarin dhe skuadrën e tij të re Bayernin, të cilët transferuan portugezin nga Benfica para Euro 2016.
Sanches e nisi Kampionatin Evropian si zëvendësues në dy ndeshjet e para, por tani më ai është i padiskutueshëm në formacionin e Portugalisë.
Talenti i Bayernit pritet të startojë në finale ndaj Francës që zhvillohet të dielën nga ora 21:00. /Express/a.m.
