Kompania britanike “Intelligent Energy” ka krijuar një prototip të një baterie me hidrogjen posaçërisht për iPhone 6. Bateria ka rezultuar e suksesshme në testimet e para, dhe ka arritur të zgjasë për një javë me një karikim të vetëm. Kompania ka tërhequr edhe vëmendjen e Apple-it.
Bateria ushqehet përmes një pajisjeje të posaçme me hidrogjen, ndërkohë që ka pas disa vrima që i lejojnë të çlirojë hidrogjenin e djegur.
“Në dijeninë tonë, kjo nuk është bërë më parë. Ne kemi arritur të ndërtojmë një bateri me hidrogjen që mund të vendoset tek kasat e telefonit. Ky është një hap i rëndësishëm, pasi, nëse doni të shpikni teknologji të reja, duhet të jenë të domosdoshme për t’u përdorur nga njerëzit,” deklaroi shefi ekzekutiv i kësaj kompanie, Henri Winand.
