Një grup prej rreth 20 hajdutësh të maskuar, kanë sulmuar argjendarinë Kumar Jewelry në Fremont, duke vjedhur bizhuteri me vlerë mbi 1,4 milionë euro në më pak se një minutë.
Videoja e publikuar nga Departamenti i Drejtësisë i SHBA-së, tregon organizimin e grupit dhe stilin e veprimit, që autoritetet e përshkruan si një “kapje mafioze”.
Sulmi ndodhi në qershor të vitit 2025, kur një seri makinash ndaloi para dyqanit dhe hajdutët hynë duke përdorur çekiçë dhe hekura për të thyer xhamat.
Me çanta dhe mjete prerëse në dorë, hajdutët shkatërruan vitrinat dhe morën rreth 75-80% të bizhuterive të dyqanit, sipas raportimeve të New York Post. Brenda rreth 70 sekondash, ata përfunduan grabitjen dhe u larguan me makinat që i prisnin jashtë. Videoja u shpërnda gjithashtu nga East Bay Times.
Për shkak se makinat e përdorura për arratisje ishin të vjedhura, policia nuk mundi t’i ndiqte përmes kamerave të sigurisë.
Megjithatë, një patrullë ndoqi një nga automjetet që kaloi shenjat stop dhe semaforë të kuq, duke arrestuar katër të rinj 19-20 vjeç. Dy prej tyre u liruan, ndërsa çështja nuk ka shkuar ende në gjykatë.
