Abuzuesit me energjinë elektrike kanë marrë vëmendjen e Operatorit të Shpërndarjes së Energjisë Elektrike në Lezhë. Vetëm gjatë 3 ditëve të fundit janë proceduar penalisht 14 persona për vjedhje të energjisë elektrike, ndërsa aksioni i OSHEE në bashkëpunim dhe me policinë e shtetit është përqendruar kryesisht në fshatrat e Njësisë Administrative të Shënkollit aty dhe dhe humbjet në rrjet janë më të mëdha.
Sipas të dhënave konkretisht janë referuar materialët në Prokurorinë e Rrethit Gjyqësor Lezhë, për shtetasit S.T banues në Lezhë, I.G banues në Ishull-Lezhe, D.P banues në Grykë-Lumi, E.P banues në Gryk Lumi, GJ.N banes në Tale, M.S banues në Rrilë, GJ.D banues në Tale, D.D banues në Tale, G,G banues në Ishull-Lezhe, A.T banues në Lezhë, Gj,T banues në Lezhë si dhe A.N banues në Lezhë.
Këta shtetas kanë rilidhurdhe kanë vjedhur energjinë nëpërmjet linjave të dyta në mënyre të paligjshme, pa shlyer detyrimet që kanë ndaj OSHEE. Po ashtu është proceduar penalisht dhe pronari i një biznesi në qytetin e Lezhës, për vjedhje të energjisë elektrike. Sipas policisë janë referuar materialet në prokurori për shtetasin F.K, pasi në biznesin e tij është gjetur duke vjedhur energji elektrike.
I kontaktuar nëpërmjet telefonit Drejtori i OSHEE-së në Lezhë Vinçens Tuku, ka bërë të ditur se kontrollet do të jenë të vazhdueshme edhe në ditët në vijim dhe se nuk do të ketë tolerime ndaj abuzuesve me energjinë elektrike.
Ai ju ka bërë thirrje qytetareve që të ndërgjegjësohen dhe të paguajnë detyrimet që kanë ndaj OSHEE, pasi vjedhja e energjisë përben vepër penale.
a.ç
