Gjykata e Tiranës ka dënuar me 13.4 vite burg Ardian Bitrajn i akuzuar për vjedhjen e 713 milionë lekëve në Thesarin e Shtetit të Bankës së Shqipërisë. Ndërkohë me 10 vite burg është dënuar Mimoza Bruzia për të njëjtën e akuzë.
Në seancën e sotme, gjykata vendosi të dënojë të dy ish-zyrtarët e BSH-së të cilët sipas gjykatës në basghkëpunim me njëri-tjetrin kanë vjedhur Thesarin e Shtetit.
Para trupit gjykues ajo ka mohuar akuzën duke theksuar se nuk ka ndihmuar Bitrajn, por përkundrazi ka njoftuar eprorët e saj për vjedhjen që po bëhej. Ndërkohë që nga ana tjetër nuk kishte dyshim për Bitrajn i cili edhe më herët ka pranuar se ka vjedhur i vetëm BSH.
Skandali i vjedhjes së Bankës së Shqipërisë, u zbuluar në qershor të vitit të kaluar, për të cilin u vunë në pranga 19 zyrtarë të BSH, mes të cilëve edhe ish-guvernatori Ardian Fullani i cili është aktualisht me masën “detyrim paraqitje”.
