Spartak Dobi, bashkëshorti i Rozeta Dobit, sanitares e cila kishte vjedhur së bashku me të birin Havier Dobi, qindra mjëra euro në banesat e zyrtarëve ku pastronte në kryeqytet, ka dhënë një tjetër intervistë për Euronews Albania.
Në intervistë Dobi shprehet se do të shesë shtëpinë për të nxjerrë të birin nga burgu.
Ai pranon se familja e tij nuk ka qenë ndonjëherë në gjendje të vështirë ekonomike dhe shton se ka dhe një banesë në zonën e Pazarit të Ri në kryeqytet, të cilën e jep me qera prej 1 mijë euro në muaj.
“Djali punonte taksist, do shes shtëpinë që të nxjerr djalin. Do marr një shtëpi me qera vetë, se e kam një shtëpi te pazari i ri dhe më ndihmon ai italiani me para, më jep 1 mijë euro në muaj. Nuk është se kemi qenë keq nga lekët”, tha Dobi.
/s.f
