Një shqiptar, i cili punonte si kamionist në Itali është arrestuar mëngjesin e sotëm në autostradën midis Imolas dhe Faenzas, pasi kishte vjedhur një traktor. Për habinë e të gjithë, ai e kishte fshehur traktorin brenda karrocerisë së një kamioni për transport ndërkombëtar (TIR).
Shqiptari, i tregoi policisë rrugore dokumentet, sipas të cilave ai ishte duke transportuar mobilje. Por, nervozizmi i shoferit bëri që efektivët të kontrollonin kamionin, raportojnë mediat italiane.
Dhe në kamonin rezultoi se ndodhej një traktori i vjedhur disa ditë më parë, disa dhjetra kilometra nga vendi ku u ndalua shqiptari. Automjeti bujqësor ishte i tipit “John Deere”, me ngjyrë të gjelbër.
Shoferi, i cili nuk arriti të justifikonte prejardhjen e traktorit, u ndalua me dyshimin e pranimit të mallrave të vjedhur.
