Revista e fmashme Forbes së fundmi ka publikuar një artikull për disa nga vendet e botës, të cilat mund të vizitohen lehtësisht në këtë kohë të vështirë pandemie.
Por në veanti hapësirë u është dhënë katër shteteve: Kolumbisë, Marokut, Republikës Domenikane dhe Kosovës. Mirpo për Kosovën, revista e famshme ka treguar një arsye shumë të veçantë se pse duhet vizituar Kosova.
Përveç faktit se mund udhëtohet lehtësisht “Forbes” shton një arsye më shumë për të shkuar në Kosovë, faktin se këngëtarja me famë botërore, Rita Ora, është prej këtij vendi.
Gjithashtu Forbes shkruan për klipin “Shine Ya Light” të këngëtares, i cili para tetë viteve u realizua në Kosovë, si një dedikim për atdheun e saj.
“Kërkesat e hyrjes: nuk ka asnjë kufizim. Statusi i Kosovës për vizitorët ka qenë i paqartë në disa raste, por tani duket se vizitorët mund të shkojnë në një vend të vogël të Ballkanit pa ndonjë test ose kërkesë karantine. Vini re se ka orar qarkullimi në fuqi nga ora 22:30 deri në 5:00 të mëngjesit. Pse të shkojmë në Kosovë? Ndër shumë arsye të tjera, ylli i muzikës pop, Rita Ora është prej andej (ajo e xhiroi këtë video në kryeqytetin Prishtinë).”- ka shkruar Forbes.
