Kryetari i Grupit Parlamentar të Partisë Demokratike, Gazmend Bardhi ka përfunduar vizitën në SHBA, ndërsa takimin përmbyllës e ka zhvilluar me kongresmenin, Robert Aderholt, bashkëkryetar i grupit të miqësisë SHBA- Shqipëri.
Bardhi shkruan se Aderholt është një zë i fuqishëm në mbrojtje të interesave të Shqipërisë dhe kombit shqiptar.
Ai shton po ashtu se sfidat e të gjitha kohëve Shqipëria dhe kombi shqiptar i ka tejkaluar bashkë me SHBA.
Postimi:
Vizitën në Washington DC e përfunduam me një takim falenderues në Kongresin Amerikan me kongresmenin Robert Aderholt, bashkëkryetar i grupit të miqësisë SHBA-Shqipëri. Kongresmeni Aderholt është një zë i fuqishëm në mbrojtje të interesave të Shqipërisë dhe kombit shqiptar.
Interesi i Shqipërisë dhe kombit shqiptar kërkon domosdoshmërisht ruajtjen e partneritetit strategjik me Shtetet e Bashkuara të Amerikës. Sfidat e të gjitha kohëve i kemi tejkaluar bashkë dhe me sukses.
/a.d
