Nisja e turit të takimeve të Kryeministrit Edi Rama nga Athina dhe ngritja e disa prej çështjeve me interes të përbashkët dy palësh u bë në vendin e duhur dhe në kohën e duhur.
Kështu u shpreh ish-ambasadori dhe diplomati i lartë shqiptar, Sokol Gjoka, në studion e RTSH-24.
Sipas ish-ambasadorit, takimi i Ramës në Athinë, dhe mesazhi për çështjen çame ishte i qartë.
“Kjo çështje në takimet e karakterit politik , në takime dy paleshe, kjo çështje shtrohet gjerësisht dhe trajtohet deri në detaj dhe janë paraqitur opsione të ndrysmë për zgjidhjen e saj, por pala greke nuk ka arritur ta kapërcejë situatën,” tha ai.
Ndaj theksoi isha-ambasadori, se auditori ku ndodhej kryeministri Rama ishte vendi për të përcjell mesazhet e duhura për ata që kërkojnë ta dëgjojnë dhe për ata që kërkojnë të veprojnë.
Ish-Ambasadori dhe diplomati i lartë shqiptar, Sokol Gjoka , i cili ka mbyllur karrierën pas tre dekadash shërbim aktiv në diplomaci foli dhe për historinë e marrëdhënieve dypalëshe mes Shqipërisë dhe Greqisë.
“Në kohën kur shqiptarët i janë drejtuar vendit fqinjë për një jetesë më të mirë dhe për të ndihmuar ekonomitë e dy vendet si dhe për një jetesë më të mirë. Ishte një kohë e vështirë për të dy vendet dhe dihet që kontributet që ka dhënë populli dhe qeveria greke për mikpritjen fillimisht të shqiptarëve aty. Qeveritë shqiptare në mandatet e ndryshme i kanë shprehur falënderimet qeverive greke. Por gjithashtu dhe qytetarët tanë janë ndeshur me operacione “fshesa” duke shkelur të gjitha të drejtat të njeriut dhe konventat evropianë të OKB-së. Historia e shqiptarëve aty ka pasur ulje dhe ngritjen e veta në bazë të politikave që kanë ndjekur qeveritë e ndryshme,” shtoi ai.
Aktualisht shqiptarët në Greqi janë një faktor i rëndësishëm jo vetëm për stabilitetin dhe zhvillimin, jo vetëm për vendin fqinj por dhe për vendin tonë, që sikurse u shpreh ambasadori, “shqiptarët janë urë lidhëse ndërmjet vendeve tona në fushën politike, ekonomike, kulturore, etj”.
“Dhe populli grek këtë zhvillim që ka sot dhe që u fut në proceset e zhvillimit në strukturat europiane dhe në strukturat Euro-Atlantike e ka nisur si rrjedhojë e politikave emigruese. Ku në momente të vështira dhe populli grek iu drejtua botës duke u rikthyer me investime dhe politika zhvillimore”.
Ish-ambasadori theksoi nevojën e një impulsi të ri nga qeveria greke për të mbështetur perspektivën evropianë të Shqipërisë.
“Greqia është vend anëtar i BE-së për shumë vitesh dhe është një nga vendet që i jep inpulse proceseve integruese dhe në rajonin tonë. Natyrisht historia ka treguar që në raste të veçante është treguar dhe rafraktare duke ndjekur politika seleksionuese, apo dhe politika ndëshkuese. Këtë e kemi ndjerë dhe në raport me vendin tonë ku Greqia është bërë penguese.”
Sipas tij, “kjo nuk duhet të ndodh sepse politikat dy paleshë nuk duhet të ngatërrohet ne politikat integruese. Politikat integruese duhet ti bashkojnë popujt në bazë të standardeve të përbashkëta. Shqipëria ka bërë një evoluim të madh në këtë drejtim“.
/a.r
