Kreu i PDIU-së Shpëtim Idrizi ka folur në lidhje me vizitën që këtë muaj do të kryejë kreu i diplomacisë greke Kotzias në Shqipëri, duke thënë se ligji i luftës mes dy vendeve është mbajtur nga shteti helen, për shkak të pretendimeve të saj territoriale.
“Unë mendoj se fshehja e problemeve dhe intimidimi i diplomacisë publike nuk na kanë ndihmuar ndonjëherë në marëdhëniet mes dy vendeve tona.
Por pse është mbajtur në këmbë ligji i luftës nga Greqia?! Për të mbajtur në këmbë pretendimet e saj territoriale!
Pasuritë që vlerësohen 30 mln dollarë mbeten të bllokuara. Qytetarëve çamë i është mohuar e drejta e pronës.”- tha Idrizi.
Idrizi kërkoi një qëndrim të fortë të Shqipërisë në lidhje me çështjen çame si dhe bëri thirrje që Greqia të kërkojë falje për çamët.
“Greqia duhet të heqë dorë nga qëndrimi armik se Shqipëria ka qenë vend sulmues në Luftën e Dytë Botërore. Greqia duhet të heqë dorë nga ligji i luftës që mban peng çamët në Shqipëri. Greqia duhet të kërkojë falje ndaj këtij komuniteti. Imagjinoni që sot pleq 80 vjeçar nuk mund të hyjnë dot sot në Greqi, pasi në pasaportën e tyre shkruhet çam.”- tha Idrizi./a.k.
