Përveç kongresmenëve amerikanë prej ditës së djeshme në vendin tonë ka mbërritur Andreas G. Lammel, deputet i CDU dhe anëtar i grupit për Ballkanin Perëndimor në grupin parlamentar të kësaj partie.
Lamme ka zhvilluar takime me kryetarin e Partisë Demokratike, Lulzim Basha dhe me krerët e partive të vogla opozitare.
“Ju mund të organizoni protesta, nuk është kjo çështja. Është një e drejtë e garantuar me kushtetutë. Mund të protestohet çdo ditë ose dy herë në ditë. Por për Partinë Demoktratike nuk është mirë që të bojkotohet ose bllokohet procesi i integrimit.
Që të mos prishim rrugën pozitive të Shqipërisë që ka bërë vitet e fundit nga tensionimi i proceseve politike. Por çfarë nuk kam kuptuar këto ditë është çështja ose pyetja për kanabizimin, pse kjo situatë ka dalë jashtë kontrollit. Për fermerët e kuptoj që është interesante apo atraktive por çfarë bën shteti dhe si mund të dilet nga situatë”, ka thënë Lammel, sipas Express.
“Po ndodh tani në selinë e PAA. Takim me Fondacioni Konrad-Adenauer Stiftung me përfaqësuar nga z.Ëalter Glos, e Andreas Lämmel, anëtar në Parlamentin Gjerman për situatën politike që po kalon vendi”, shkruan PAA. /b.d
