Vizita e Presidentit turk Rexhep Tayyip Erdogan në Tiranë sot ka bërë që policia të marrë masa, duke bllokuar disa rrugë për arsye sigurie.
Kështu Policia Rrugore e Tiranës, njofton se sot do të ketë devijime dhe bllokime të pjesshme, të disa rrugëve urbane dhe inter-urbane në Kryeqytetin e Tiranës.
Konkretisht duke filluar nga ora 09:45 deri në orën 22:30 në vendin e quajtur “Qafa e Kasharit” në aksin rrugor “Tiranë-Durrës”, në të dy anët e saj, në “Sheshin Shqiponja”, “Rrugën e Durrësit”, rrugën “George Bush”, Sheshin “Skënderbej” dhe Bulevardin “Dëshmorët e Kombit” do të ketë bllokime të qarkullimit.
