Festat e fundvitit kanë mbledhur shqiptarët pranë tryezave të tyre të ngrohta familjare në atdhe.
Fluks emigrantësh, por edhe turistësh është regjistruar në aeroportin ndërkombëtar “Nënë Tereza” në ditën e fundit të 2024.
Nga Suedia, Gjermania, Greqia, por edhe më tej nga Londra e Amerika, janë destinacionet nga të cilët po vijnë më shumë emigrantë, shkruan A2.
10 milionë pasagjerë kanë zgjedhur rrugët ajrore në 11 muajt e parë të vitit, ndërsa ky numër pritet të rritet edhe më tej në mbyllje të vitit 2024. Përballë numrave në rritje, por edhe bumit turistik, shqiptarët shprehën dhe disa kërkesa për vendin e tyre në 2025.
Medoemos në këtë ndërrim të viteve nuk mungojnë as urimet nga qytetarët.
