34 vite pas thirrjes së parë të studentëve, kur Shqipëria arriti të vendoset në termat konkretë të anëtarësimit të saj në BE, ekonomia shqiptare duket në sfidën e madhe të veprimit përkundër legjislacionit europian.
Për ekspertin e ekonomisë, Gavril Lasku terreni që sugjeron viti që sapo u mbyll lidhet me disa faktorë.
“Janë mbi 30 vite demokraci dhe po përgatitemi për në moment shumë cilësor, anëtarësi në BE. Sektori ekonomik është një nga drejtuesit e shoqërisë për të qenë një vend me të drejta të barabarta në unionin europian. Çdo vit ka patur një rritje me 3-4 %”, tha Lasku.
Mes disa kapitujve që do të negociohen së shpejti, ai i ndërmarrjeve të vogla e të mesme me numrin 20 mbart një projeksion të rëndësishëm.
“Shqipëria duhet të hulumtojë në politika të përafërta me BE në zhvillimin e sipërmarrjeve, biznesit, industrive dhe strategjive që kanë të bëjnë me konkurueshmërinë dhe inovacionin. Programe të ndryshme që ka Ministria e Ekonomisë për të zhvilluar politikat e sipërmarrjeve por dhe financimin e projekteve me fonde konkrete që sigurojnë që ndërmarrjet të financojnë projektet e tyre”, u shpreh eksperti.
Ndërsa ndan se kapitali njerëzor është në bazament të ndryshimit të kërkuar, z. Lasku apelon për ngritjen e një Agjencie të nevojshme që koordinon ofrimin e sipërmarrjeve ndaj fondeve të BE-së. Ndërkohë për ekspertin inovacioni dhe meritokracia duken si sfida qendrore për 2025
“Reformat e qeverisë duhet të rrisin kapacitetet teknologjikë dhe njerëzore të sipërmarrjeve shqiptare. Sipërmarrjet duhet të përgatiten që të aplikojnë për fonde të ndryshime në BE. Shqipëria i ka të gjitha potenciale e duhura dhe në vend të parë duhet të verë aftësinë njerëzore”, tha Lasku.
