Epidemiologu Ilir Alimehmeti, i ftuar ditën e sotme në “Abc-ja e mëngjesit”, u shpreh se koronavirusi mund të ketë ekzistuar më parë. Ai argumentoi se fakti që mutacionet e tij kanë qenë të ngadalta, ngre dyshime se virusi mund të ketë qenë prezent në zona të caktuara deri me shpërthimin në Wuhan të Kinës.
“Një virus siç pritet me kalimin e kohës, të formojë variante që rrisin trasmetueshmërinë. Ky virus, në veçanti, mutacionet po i bën ngadalë që hedh një dyshim se është i njohur për specien humane pak më parë. Sepse për një specie të re, mutacionet priten të jenë më të shpejta. Është një hipotezë se mund të jetë një virus që ka qarkulluar në njerëz siç mund të jenë në fshatra të Azisë Juglindore.
Ebola ka qenë prej vitesh, nuk bëhet problem global sepse është i lokalizuar në disa fshatra global. Një hipotezë se mund të ketë ekzistuar në disa zona shumë të kufizuara në njerëz, dhe kur u spostua, në këtë koncept mund të ishte pak më e njohur. Pastaj për mënyrën se si doli, nëse ishte një aksident laboratorik apo jo, të dyja versionet janë një thyerje e sigurisë.”, tha Alimehmeti.
g.kosovari
