Kamala Harris dhe Donald Trump gjatë gjithë fushatës së tyre kanë marrë mbështetje nga personazhe të famshëm me profile të kundërta në fushatën e tyre për Shtëpinë e Bardhë, e cila ende po fiton intensitet. Megjithatë, siç tregoi fushata e Hillary Clinton në 2016, fuqia e yjeve nuk është gjithmonë e mjaftueshme. Sipas një sondazhi të YouGov, rreth një në 10 amerikanë (11%) thonë se një personazh i famshëm i ka bërë ndonjëherë që të rishqyrtojnë qëndrimin e tyre për një çështje politike, ndërsa 7% thonë se kanë mbështetur një kandidat politik për shkak të mbështetjes së një personazhi të famshëm.
Kush janë mbështetësit e Kamala Harris?
Jennifer Lopez dhe Beyoncé u shfaqën në takimet elektorale të Kamala Harris në mbështetje të 60-vjeçares. Jennifer Lopez foli me krenari për origjinën e saj portorikane. Ajo inkurajoi audiencën “të mos kenë frikë dhe të revoltohen” dhe tha se i pëlqejnë fundet e Hollywood-it “kur fiton vajza e mirë.” Grupi meksikan i rrokut Mana performoi përpara Harris dhe gjithashtu mbështeti Zëvendëspresidenten. Ndërkohë, këngëtarja superstare Beyoncé u ngjit në skenë në një miting për Kamala Harris në Houston, jo për të kënduar, por për të ofruar daljen e saj të parë publike politike këtë cikël zgjedhor në një moment vendimtar për kandidaten demokrate për presidente. Beyoncé, një vendase në Houston, doli në skenë mes duartrokitjes së mbështetësve, prej rreth 30,000 pjesëmarrësish në tubimin me temën e të drejtave të abortit të Zëvendëspresidentes Harris, së bashku me ish-anëtaren e Destiny’s Child, Kelly Rowland. Në vend që të këndonte, ajo dha mesazhin se ishte e pranishme si nënë e jo si artiste, duke shprehur se liria është një e drejtë e dhënë nga Zoti. Më pas, ajo prezantoi Harris, e cila doli në skenë me atë që është bërë himni i saj i fushatës: kënga “Freedom” nga albumi i Beyoncé-s i vitit 2016, “Lemonade.”, shkruan A2.
Lizzo dhe Usher janë dy artistë shumë të njohur të muzikës që kanë dalë në mbështetje të demokratëve. Këngëtarja, flautistja dhe reperja 36-vjeçare, e lindur në Detroit, tashmë ka bërë të ditur se kishte votuar herët për kandidaten që mund të bëhet gruaja e parë që fiton garën për Shtëpinë e Bardhë në zgjedhjet e 5 nëntorit.
Aktorja Jennifer Garner gjithashtu kishte një paralajmërim për mbështetësit e Harris në Tucson, Arizona. Bashkë me të ishin edhe Jessica Alba dhe Kerry Washington.
Mbështetës të famshëm të tillë si Garner janë pjesë e lëvizjes së shpejtë për të mobilizuar votuesit përpara Ditës së Zgjedhjeve më 5 nëntor. Një javë pas ndalesës së saj në Arizona, Garner shkoi për Harris në Pensilvani dhe kishte plane të vizitonte Nevadën. Kur yjet duan të bëjnë fushatë, strategët politikë i nxisin të vizitojnë vendet ku kanë një lidhje personale dhe të flasin për çështjet për të cilat kanë punuar. Ndërkohë, Julia Roberts vizitoi shtetin e saj të lindjes, Georgia, dhe u prezantua nga ish-përfaqësuesja e shtetit, Stacey Abrams.
Aktorja Jane Fonda, një avokate për veprim mbi ndryshimet klimatike, trokiti në dyert në Michigan për të reklamuar Harris. Fituesja e Oskarit tha se ajo kurrë nuk kishte bërë fushatë derë më derë për një president më parë. Këtë shtator, Taylor Swift shkoi një hap më tej dhe miratoi Harris përmes një postimi në Instagram, i cili tani ka marrë më shumë se 11 milionë pëlqime, transmenton A2.
Kush janë mbështetësit e Donald Trump?
Elon Musk, përveç vendosjes së fuqisë së tij financiare në shërbim të Trump, filloi një turne të stuhishëm në Pensilvani për të mbledhur votuesit për të. I veshur me një kapele të zezë MAGA, miliarderi teknologjik Musk e përshkroi veten si një “MAGA e errët, gotike”, në një tubim masiv të Trump në Madison Square Garden të Nju Jorkut. Musk, i cili po mbështet rizgjedhjen e Trump me platformën e tij të mediave sociale X dhe pasurinë e madhe, i quajti zgjedhjet një “betejë të vërtetë” dhe u bëri thirrje njerëzve të votojnë herët për republikanin.
Ndërkohë që Hollivudi është i njohur si liberal, disa yje po punojnë për të votuar për Trump. Dennis Quaid, i cili luajti në një film të fundit si heroi republikan Ronald Reagan, foli në një tubim të Trump në Kaliforni. “Sot kjo është shtëpia e Donald Trump,” tha mundësi Hulk Hogan në një fjalim në Nju Jork të dielën, duke hedhur poshtë më vonë akuzat se Trump është një fashist. Komediani Tony Hinchcliffe përdori një gjuhë të çuditshme duke bërë shaka se latinët “dashurojnë të bëjnë foshnje” dhe e quajti territorin amerikan të Karaibeve të Puerto Rikos një “ishull lundrues mbeturinash.” Mbështetës të tjerë të famshëm të Trump janë Mel Gibson dhe Jon Voight.
Mbështetja e të famshëmve i përforcon mesazhet rreth votimit, thonë ekspertët politikë. Nëse një person jo i famshëm troket në një derë, kjo ndikon vetëm tek ai votues. Kur një personazh i famshëm e bën këtë, ai gjeneron mbulim mediatik dhe postime në mediat sociale që arrijnë përtej asaj shtëpie, thonë ata. Nëse kjo përkthehet në pjesëmarrje më të madhe, varet nga personazhi i famshëm dhe rrethanat.
/a.r
