Në vijim të operacioneve të njëpasnjëshme anti-drogë të zhvilluara nga Drejtoria Vendore e Policisë Lezhë, për evidentimin dhe goditjen e veprimtarisë kriminale të narkotikëve dhe vendosjen para përgjegjësisë të autorëve, në bazë të informacioneve të siguruara në rrugë operative, është zhvilluar operacioni i radhës I koduar “Vinjolli” .
Si rezultat është arrestuar në flagrancë shtetasi Sami Balloku, 37 vjeç, banues në Vinjollë Kurbin, pasi gjatë kontrollit të ushtruar në banesën e tij iu gjet dhe sekuestrua në cilësinë e proves materiale 35 kg lëndë narkotike e dyshuar cannabis sattiva.
Materialet procedurale u referuan Prokurorisë së Rrethit Gjyqësor Kurbin për vepren penale “Prodhim dhe shitje e lëndëve narkotike” parashikuar nga neni 283 i Kodit Penal./a.m.
