Tre të rinj, mes të cilëve edhe një femër, udhëtonin gati cdo ditë nga Elbasani drejt Tiranës, për të vjedhur xhepat e qytetarëve në Qendrën Spitalore Universitare “Nënë Tereza”. Në kuadër te operacionit “Xhepisti”, policia e Tiranës ka arrestuar 3 persona, të dyshuar për një seri vjedhjesh në QSUT.
Tre personat, mbanin radhë në pavione të ndryshme të QSUT-së, ku dhe kryenin vjedhjet. Sipas policisë personat e vënë në pranga janë: Oksi Fidani, Dhurata Kurti dhe Viktor Dedja.
Prej rreth një muaj këtë persona ishin kthyer në tmerrin e të sëmurëve dhe familjarëve të tyre. Vajza e grupit Dhurata Kurti, dyshohet se perdorej si karrem për të hutuar qytetarët, ndërsa dy bashkëpunetorët e saj fusnin duart në xhepa dhe merrnin portofolët.
