Ditën e djeshme, dy punëtorë u aksidentuan gjatë punimeve në një pallat të Korçës, ku njëri prej tyre gjeti vdekjen.
Policia ka arrestuar përgjegjësin teknik të firmës së ndërtimit, të identifikuar si F.P., 67 vjeç dhe manovratorin e firmës, A.Z., 41 vjeç.
Ata akuzohen për veprën penale “Shkelje e rregullave të mbrojtjes në punë”.
Policia njoftoi se gjatë procesit të hedhjes së betonit në objekt, është dëmtuar një segment metalik i presës, i cili ka goditur në kokë duke i shkaktuar vdekjen shtetasit E.J., 36 vjeç, si dhe ka dëmtuar 59-vjeçarin P.F., që ndodhet jashtë rrezikut për jetën.
Të dy punëtorët banonin në Korçë.
Materialet i kaluan Prokurorisë së Korçës për veprime të mëtejshme.
g.kosovari
