Këngëtarja e njohur Altuna Sejdiu, duket se ia ka marrë frytet suksesit të këngës së vitit të kalurar të quajtur “Fenix” që erdhi në bashkëpunim me të dashurin e saj Cozman.
Ky bashkëpunim i solli asaj qindra koncerte në të cilat Tuna ishte gjithmonë nën shoqërine e reperit shqiptar Cozman.
Këtë vit këngëtarja solli edhe bashkëpunimin tjetër me të njëjtin këngëtar. “Holla” ishte projekti i radhës i dyshes shqiptare, por që nuk ndezi aq shumë sa bëri ajo “Fenix”.
Çifti tani janë edhe pre e “thashethemeve” apo të “vërtetës” se i kanë dhënë fund romancës së tyre.
Asnjëri nga ata ende nuk është prononcuar në lidhje me këtë lajm. Por, tani mesa duket Tuna është e zënë me diçka krejt tjetër.
Në rrjetin social Facebook janë publikuar disa fotografi të një vile që emrin e ka Vila Tuna.
Visar Geci që me profesion është arkitekt, ka postuar fotografitë e një vile, si projektin e tij të radhës që mesa duket do të jetë për “zogun më të mirë prej krejtve”. Në këto fotografi e etiketuar është edhe Tuna.
Ajo që shihet përmes imazheve është një ambient shumë luksoz e edhe relaksues. Nëse vila do të jetë e këngëtares, lodhjen e punës e angazhimeve s’do ta ndjejë aspak.
