Vila luksoze e Metës me kolltuqet Skavolini/ Pse u detyrua Presidenti të zhdukte videon me intervistën e Kryemadhi?

Në vitin 2014, vila luksoze dhe përrallore e Presidentit të sotëm Ilir Meta, bëri xhiron e mediave.

Për atë vilë u enkas një dokumentar ku u reklamua luksi, arredimi i shtrenjtë, palmat dhe i gjithë komoditeti që Meta dhe bashkëshortja  e tij Monika Kryemadhi pretendojnë se e kanë bërë me pagat e tyre

Vila e Ilir Metës në Gjirin e Lalzit është shtëpitë më luksoze shqiptare e transmetuar ndonjëherë nëpër dokumentare.

Ajo ka një hapësirë plot 2000 m2 oborr me ullinj dhe palma, të cilat për shkak të madhësisë së tyre u tha se janë transportuar me helikopter.

Në brendësi të vilës ndodhen 11 tualete, njëri specifik për nevojat personale të maces.

Sipas Monikës e cila në vitin 2015 kur dha edhe intervistën për vilën luksoze, ishte deputete edhe macja kishte tualetin e veçantë për të kryer nevojat personale.

Mobilimi i vilës kishte kushtuar mbi 400 mijë euro.  Vetëm kolltuqet “Skavolini”, u tha se kishin kushtuar 32.000 euro

Disa kohë më pare, mbarë opinion publik, pa edhe festën madhështore të Metës për ditëlindjen e tij, shpenzimet e së cilës kanë kaluar 500 mijë eurot.

Po çfarë ndodhi, pas publimit të vilës luksoze të Metës që pretendonte se e kishte blerë me paga apo me shkëmbimin e disa apartamenteve në një pallat që kishte në pronësi Kryemadhi?

Pamjet u zhdukën, video e emisionit u fshi, dhe për më tepër u tentua të fshihej çdo fotografi e mundshme kudo që ishte hedhur hedhur.

Përse Ilir Meta e bëri një të tillë, për një pronë që pretendon se e ka të ligjshme. Përse u nervozua në vitin 2015, në një intervistë për Zërin e Amerikës, kur u pyet për jetën luksoze të tij?

Në fakt, të tilla pyetje duhej t’i kishte shtruar Prokuroria me kohë dhe aktualisht Struktura e Posaçme Antikorrupsion.

Meta duhet të japë llogari një ditë për atë pasuri që bashkëshortja e tij e reklamoi para shqiptarëve.

Duhet të jëpaë llogari se me çfarë parash e ka krijuar atë pasuri, dhe jo të shtyejë vitet, duke bërë llogaritë që mund të justifikojë.

Arben Kraja dhe SPAK, mund t’i gjejnë pamjet e vilës, për t’i pasur si prova, mund ta rrethojnë Gjirin e Lalzit dhe të sekuestrojnë pasurinë e dyshimtë.

Monika Kryemadhi doli dhe u mburr para shqiptarëve për luksin ku kalonte fundjavat, për 11 tulatetet, për mobiljet e shtrenjta, për palmat me helikopter.

Po SPAK-u për çfarë do t’ju mburret shqiptarëve, kur i madh e i vogël drejtojnë gishtin nga Presidenti për pasuri të dyshimtë.

Pasi u pa me zë dhe figurë, luksi i Metës u hesht, e zhduku gjithandej ku doli dhe bashkë me të hedhti edhe drejtësia, sikur vila të mos kishte ekzistuar kurrë më parë./cna.al