Një tjetër skandal seksual është shënuar në Hollywood, pjesë e të cilit tanimë është aktori me famë botërore Steven Seagal, i cili akuzohet nga prezantuesja amerikane e “Inside Edition”, Lisa Guerrero, për ngacmim seksual ndaj saj gjatë kohës së provave për filmin “Fire Down Below”, i cili xhirohej në vitet ’90.
“Fillimisht jam thirrur për audicion për filmin në shtëpinë e Steven Seagalit, kështu që mora edhe një mikeshë me vete që të mos isha vetëm me të. Kam shkuar në shtëpi duke u ndjerë shumë mirë në lidhje me provën, dhe po atë ditë më thirri menaxheri i tij duke më thënë: “Steven do që të të japë një rol, por ti duhet të shkosh sërish në shtëpinë e tij për një provë private sonte”.
Prezantuesja Guerrero në intervistën për Newsweek tha se ajo nuk pranoi, dhe pikërisht për këtë arsye roli iu dha më pas një aktoreje tjetër.
