Trupa e gjyqtarëve e Gjykatës Kushtetuese vijon prej disa orësh mbledhjen për çështjen e kryetarit të shkarkuar të Tiranës Erion Veliaj.
Burime të Euronews Albania bëjnë me dije se pas orës 5 të pasdites Kushtetuesja pritet të dalë me një vendim.
Gazetarja e Euronews Albania, Enkelejda Mema mësoi se gjatë fundjavës trupa e Gjykatës Kushtetuese është angazhuar për të shqyrtuar gjithçka është thënë në seancën 7 orëshe të së premtes, ku gjykata dëgjoi ish-kryebashkiakun Erion Veliaj dhe palët në proces, qeverinë dhe presidencës.
Gazetarja Enkelejda Mema tregoi se në varësi të vendimmarrjes së sotme të GJ, në tre skenarë të mundshëm, data më e mundshme dhe e fundit për zgjedhjet e Tiranës pritet të jetë pranvera e 2026.
“Duke parashikuar të tri skenarët: në rastin e parë Gjykata Kushtetuese e gjen të drejtë shkarkimin, pritet që data për zgjedhjet vendore për bashkinë Tiranë të jetë e shpejtë, edhe GJK do jetë e drejta të nxjerrë parashtrimi shpejt për ta parashtruar në fletore zyrtare, nëse jemi në skenarin që nuk e gjen të drejtë shkarkimin e Veliajt dhe pranon ankesën atëherë në Tiranë nuk do ketë zgjedhje, do presim 2027 ku do ketë zgjedhje vendore.
Ka dhe një skenar të tretë, nëse Gjykata Kushtetuese mund të marrë një vendimmarrje të ndërmjetme ta rikthejë çështjen në Këshillin e Ministrave dhe të kërkojë që ta bëjë shkarkimin e Veliajt në parashikim të Kushtetutës. Datat më e mundshme dhe e fundit për zgjedhjet e Tiranës pritet të jetë pranvera e 2026”, tha gazetarja Mema.
