Sekretarja e brendshme, Suella Braverman ka fajësuar plotësisht emigrantët e paligjshëm për krizën ekonomike që ka shkaktuar shumë debate muajt e fundit në Britaninë e Madhe.
Braverman përjashtoi nga përgjegjësia çdo zyrtar të mundshëm që merret me çështjet e emigrantëve duke thënë se fajotrët e vetëm janë ata që kalojnë kanalin e La Manshit me gomone, në mënyrë të paligjshme.
Suella Braverman tha se nuk donte t’i ‘drejtonte gishtin e fajit’ ndonjë sekretari të veçantë të shtëpisë për mbipopullimin e Kent, zonës ku zbarkojnë emigrantët ekonomikë.
Më tej, gjatë debatit me një nga deputetët konservatorë, Braverman pranoi dështimin me çështjen e kufijve por argumentoi se ajo dhe kryeministri Sunak po punojnë për një zgjidhje sa më të shpejtë.
Kjo nuk është hera e parë që Sekretarja e Brendshme Britanike ua lë fajin emigrantëve për problematikat e Brendshme të Britanisë, madje pak kohë më parë ajo veçoi shqiptarët të cilët si cilësoi si pushtues dhe kriminelë./m.j
