Opozita vazhdon të bojkotojë komisionet parlamentare, por kjo nuk e ka penguar mazhorancën të vijojë punën. Komisioni i Ligjeve ka miratuar sot projektligjin për shpronësimet vetëm me votat e deputetëve të pozitës.
Që prej javës së kaluar, opozita nuk shkon në asnjë mbledhje të komisioneve, përveç atyre të komisioneve hetimore. Ditën e djeshme, Komisioni i Ligjeve u shty për mungesë të kuorumit, kurse sot plotësoi votat dhe miratoi në parim pr/ligjin për shpronësimet.
Nuk dihet sa do të zgjasë bojkoti i opozitës për komisionet parlamentare, të cilat nisën në shenjë proteste nga rikthimi në Kuvend i Armando Prengës.