Ish-deputeti i Partisë Demokratike, Oerd Bylykbashi ka reaguar për shifrat e publikuara nga Komisioni Qendror i Zgjedhjeve në lidhje me zgjedhjet lokale të 30 qershorit.
Ai shprehet se Komisioni Qendror i Zgjedhjeve ka humbur funksionin e tij parësor duke u shndërruar në një “tenxhere”, që shërben tashmë vetëm për të zier pilaf.
“KQZ si tenxhere për të zier pilaf. Doli KQZ dhe deklaroi sot, me një tis funebër, se në votimet e Ramës paskan votuar 812 mijë votues. Të dielën në darkë deklaroi se kishin votuar 772 mijë votues. E kishte shtuar me vetëm 40 mijë zgjedhës. Kjo shtesë më kujtoi gjyshen time kur isha fëmijë që preferonte orizin bullgar më shumë se atë të vendit sepse shtonte më shumë volum kur bëhej pilaf. Ja ku kanë përfunduar katër militantët e PS në KQZ, në kuzhinierë pilafi për drekën e vakisë së Ramës’, shkruan Bylykbashi.
Më tej ai deklaron se, “E mbajnë mbyllur KQZ-në dhe nuk japin asnjë shifër në kohë reale siç jepej dikur, qoftë edhe para dy vjetësh, kur rezultatet transmetoheshin të detajuara në kohë reale. Kësaj radhe sistemet elektronike të transmetimit dhe publikimit të të dhënave i kanë fikur ose nuk i kanë vënë fare në punë sepse transaprenca nxjerr në shesh c’po gatuajnë. Me pak fjalë, i kanë vene kapak tenxheres me emër KQZ”.
Sipas Bylykbashit, “Në mbrëmjen e 30 qershorit, edhe pse shifra e vetë KQZ-së tregonte 21 %, publikisht deklaruan 24 %, fiks sa gjysma e 2015. Por Rama e kuptoi që po i derdhej uji i pilafit që vlonte dhe e uli pak zjarrin. Sot deklaruan 22 përqind, ama katër kuzhinierët me përparese zhul në KQZ ia kanë shtuar plot 7 % volumin e këtyre zgjedhjeve që i bënë pilaf. Rezultati i këtyre zgjedhjeve nuk ishte rezultati për partitë por pjesmarrja. Rama këtë pjatë i ka porositur kuzhinës së KQZ. Nuk thonë kot: një rezultat i vonuar është rezultat i gatuar.
