Pesë emigrantë humbën jetën sot nga mbytja e një anije në brigjet e Turqisë.
Mediat raportojnë se anija u mbyt në përpjekje për të arritur në ishullin grek Farmakonisi.
Trupat e emigrantëve u gjetën nga peshkatarët e rrethit të Didim në provincën Aydin, të cilët më pas alarmuan edhe Rojet Bregdetare.
Ndërhyrja e Rojeve Bregdetare bëri të mundur shpëtimin edhe të 16 personave të tjerë që ishin në varkë.
