Vijojnë dyluftimet në Ukrainë, dhe nuk përfshijnë tashmë vetëm Donbasin.
Ditën e sotme forcat ruse kanë bombarduar qytete si Mykolaiv, në jugun e Ukrainës por edhe qytetin e dytë më të madh të Ukrainës, Karkiv, objektiv madhor për Moskën për të shpallur një përmbushje të objektivave të shpallura nga Putin natën e 24 shkurtit.
Frika më e madhe e këtyre orëve përfshin centralin bërthamor në Zaporizhzhia, e madhja në Europë, seriozisht e rrezikuar nga dyluftimet midis palëve, që po zhvillohet në atë zonë.
Edhe pse sekretari i OKB-së Guterres kërkoi që zona të demilitarizohet, pamjet e fundit video tregojnë. Mjete ushtarake ruse që kanë hyrë brenda turbinave që lidhen me reaktorin kryesor, me shërbimet sekrete ukrainase që flasin për një sulm të afërt rus për kontrollin e të gjithë centralit, që furnizon energjinë e një pjese të mirë të Ukrainës.
Por nuk ka vetëm sulme ruse, por edhe kundërpërgjigje ukrainase. Shpërthime të shumta janë regjistruar në Krime, zonë e pushtuar nga Rusia në 2014. Shpërthimet, që me shumë gjasa vijnë nga raketat perëndimore të ardhura në ndihmë të Kievit, janë regjistruar veçanërisht në bazën ajrore të Belbek, në veri të Sebastopolit.
Ndërkohë, sipas të dhënave të ministrisë së Mbrojtjes së Kievit, janë 44700 ushtarët rusë që kanë humbur jetën nga shkurti i kaluar, ndërkohë që humbjet ukrainase nuk deklarohen saktësisht.
/a.r
