Vijojnë masat e Policisë në kuadër të operacionit “Roja e Gjelbër”, për parandalimin e
prerjes së paligjshme të pyjeve.
Sekuestrohen dy mjete të ngarkuara me lëndë drusore. Procedohet penalisht në gjendje të lirë 1 shtetas.
Më datë 07.06.2016, nga Specialistët për Krimet në Komisariatin e Policisë Bulqizë, filloi procedimi penal në gjendje të lirë për shtetasin:
B.L, 39 vjeç, banues në Bulqizë.
Procedimi penal ndaj tij filloi pasi, gjatë kontrollit të ushtruar nga shërbimet e Komisariatit të Policisë Bulqizë në bashkëpunim me punonjësit e Inspektoriatit të Policisë Pyjore, kanë konstatuar në afërsi të banesës së shtetasit B.L, dy mjete të tipit kamion “Mercedes Benz”, me targa BZ 713 A, dhe MT 3552 A, të ngarkuara me lëndë drusore, të llojit “Ahu”, gjithësej 15 metër kub (m3) të prera pa leje në pyllin e Tërnovës Bulqizë.
Në cilësinë e provës materiale janë sekuestruar dy mjetet e ngarkuara me lëndën drusore dhe lënda drusore.
Materialet proceduriale i kaluan Prokurorisë Rrethit Dibër për veprën penale “Prerja e paligjshme e pyjeve”, parashikuar nga neni 205, i Kodit Penal.
