Shtëllunga tymi dhe flakë gjigande vijnë nga fabrika e riciklimit të mbetjeve në Karash të Tiranës, e cila është përfshirë nga zjarri. ‘BalkanWeb’ ka siguruar pamje nga zjarri, ndërkohë që vendin e ngjarjes janë angazhuar forca të mëdha policore, forca zjarrfikëse si dhe punonjës të UKT.
Mësohet se përveç zjarrfikëseve nga Tirana, aksionit për shuarjen e flakëve i janë bashkuar edhe 2 zjarrfikëse të Vorës, ndërsa pritet të vijnë 3 të ushtrisë dhe nga Durrësi. kryebahskiaku Veliaj kerkon shmangjen nga vendi i zjarrit.
Nderkohe detaje të reja janë bërë publike në lidhje me zjarrin që ka rënë në një fabrikë të riciklimit të mbetjeve. Mësohet se zjarri ka përmasa të mëdha dhe afër është një karburant, por që nuk rrezikohet nga flakët.
Kryetari i BAshkise thote se eshte mobilizuar dhe ushtria per zjarrin ne Kashar.
Për shuarjen e flakëve kanë shkuar të gjithë forcat zjarrfikëseve të Tiranës, por dhe dy zjarrfikëse të Vorës. Sipas News 24, mësohet se kjo fabrikë është djegur edhe dy herë të tjera dhe zjarrfikëset i kanë vënë gjobë për shkak të mos marrjes së masave për parandalimin e zjarrit.
Zjarri në fabrikën e riciklimit të mbetjeve, policia jep detajet
Një zjarr i madh ka përfshirë një fabrikë riciklimi mbetjesh në Mëzes të Tiranës.
Njoftimi i policisë
Me datë 22.04.2018, rreth orës 10:00, në Kashar, në një magazinë ka rënë zjarr.
Menjëher në vendngjarje kanë shkuar shërbimet e Policisë dhe Zjarrëfikësja ku po punohet për fikjen e zjarrit.
Si pasojë e zjarrit ka vetëm dëme materiale. Grupi hetimor ndodhet në vendngjarje për zbardhjen e plotë të shkaqeve dhe rrethanave të zjarrit. (bW)
