Një magazinier i Milanit është arrestuar ditën e hënë me akuzën e vjedhjes së uniformave të skuadrës. Bëhet fjalë për Mustapha Madhoun, 53 vjeç. Ai është vëllai i motrës së ish-gruas së tretë të Adriano Gallianit, Malika El Hazzazi.
Arrestimi erdhi pas denoncimit të Departamentit të Sigurisë së Brendshme të klubit kuqezi dy muaj më parë.
Mustaphai, nga Rabati i Marokut, kishte 13 vite që punonte si magazinier për klubin italian. Gjatë kontrollit në shtëpinë e tij u gjetën dhjetra uniforma dhe objekte të tjerë marketingu.
