Dy persona janë arrestuar mesditën e sotme pasi vidhnin shpërndarëse të internetit.
Mësohet se në pranga kanë rënë E. D.,23 vjeç dhe B. K.,31 vjeç. Dy të rinjtë janë arrestuar pas kallëzimeve të bëra nga administratorët e disa pallateve të cilët vidhnin kasetave shpërndarëse te internetit duke këputur fibrat optike. Por nuk u kishin mjaftuar vetëm pallatet.
Mësohet se ata janë autorë edhe të vjedhjes së kasetës së internetit në një një nga zyrat e njësisë së mirëmbajtjes së rrjetit elektrik në Tiranë. Vjedhjet janë kryer gjatë periudhës shkurt-mars.
Pas arrestimi, policia arriti të sekuestrojë materialet elektrike të vjedhura, konkretisht një njësi qendrore kompjuteri, dhjetëra metra tel alumini e kabllo elektrikë.
Mbi ta rëndon akuza për veprën penale “Vjedhja” e kryer në bashkëpunim në më shumë se një herë.
/a.r
