Një çift bashkëshortësh shqiptarë janë vënë në prangat e policisë italiane në zonën e Vittoria, për vjedhje energjie.
Bëhet fjalë për Daniel Cenon 46 vjeç dhe gruan e tij Edmiralda Ceno, 37 vjeç, të cilët u arrestuan këtë të enjte.
Po ashtu krahas tyre është arrestuar edhe një shqiptar tjetër i moshës 30-vjeçare, i cili punonte në bujqësi dhe që jetonte në të njëjtën zonë me çiftin Ceno.
Nga kontrolli i policisë në bashkëpunim me punonjësit e kompanisë energjetike ENEL, shqiptarët rezultuan se kishin ndërhyrë në matësin e energjisë.
Gjithçka lindi pas dyshimeve për faturën minimale të energjisë, ndërkohë që konsumi ishte shumë herë më i lartë.
Kjo bëri që tre shqiptarët të vihen në pranga, ndërkohë që çiftit të bashkëshortëve policia italiane iu publikoi edhe fotografitë.
/a.rada
