Magazina e Qendrës së Shërbimeve të Automjeteve të Transportit, në varësi të Ministrisë së Brendshme ka rënë pre e grabitjes.
Referuar njoftimit zyrtar të policisë, autorët ende të pa identifikuar kanë vjedhur disa pajisje elektronike të dala jashtë përdorimit, të cilat ishin për t’u asgjësuar.
Mësohet se janë parë dy persona, ende të paidentifikuar duke vjedhur këto sende, që dyshohet se do i shisnin për skrap, duke qenë se ishin të vjetëruar, megjithatë nuk është bërë ende identifikimi i tyre.
Po të njëjtët burime sqarojnë se dy personat kanë kapërcyer nga muri duke marrë këto sende, të cilat nuk ishin vendosur në një ambient të veçantë, por një hapësirë në oborrin e jashtëm.
Njoftimi i policisë:
Në rrugën e “Kavajës”, persona ende të paidentifikuar kanë vjedhur në magazinën e Qendrës së Shërbimeve të Automjeteve të Transportit, në varësi të MB, disa pajisje elektronike të dala jashtë përdorimit, të cilat ishin për tu asgjësuar.
Po punohet për identifikimin dhe kapjen e autorëve. Materialet janë referuar Prokurorisë së Rrethit Gjyqësor Tiranë për veprën penale “Vjedhja” .
g.kosovari
