Presidenti Ilir Meta ka publikuar në faqen e tij në rrjetet sociale disa foto, të një aktiviteti ku promovohen bimët aromatike dhe mjekësore bio “Made in Albania”.
Në postimin e tij, Meta shkruan “Prodho shqip! Bli shqip! Konsumo shqip!”.
Por, pas këtij postimi, sipas cna.al qytetarët e kanë “masakruar” me komente, duke e akuzuar për vjedhjen e pasurive të shqiptarëve.
Një qytetar shkruan se Meta ka përvetësuar pasuritë e shqiptarëve, duke filluar nga Mali i Tomorrit, te minierat e Pukës, hotelet e llixhave dhe deri edhe tek Rëra e Hedhur.
“O mostra se është qesharake si paguhen ato njerëz në nevojë (skĺlever) dhe ty te lumte se i ke kap te gjitha burimet fitimprurese prej te mali i Tomorrit te minierat e Pukës, te hotelet e llixhave, tek Rëra e Hedhur e me radhë. Ke disa servila që ti menaxhojnë pasuritë e shqiptarëve, haram do i keni sigurtë.”-shkruan një qytetar.
Ndërsa një tjetër shkruan “Prandaj u vu zjarri Tomorrit cep e më cep”.
Po ashtu një tjetër shkruan “E vidh shqip fondet e fëmijëve shqiptar e co leket në parajsa fiskale”.
“Ooooo ty të hëngërt SPAK-u”-shkruan një tjetër.
Gjithashtu një komentues shkruan “Po fëmijët i bëre në Shqipëri pse nuk po i shkollon këtu?”.
/m.j
