Kryeministri Edi Rama me anë të një statusi në “Facebook”, u ka bërë thirrje të gjithë të rinjve, të cilët votojnë për herë të parë që ti bashkohen Partisë Socialiste. Nesër Rama do të mbajë një takim me të rinjtë e Tiranës në parkun pranë sheshit ‘Skënderbej”.
E ndërsa Partia Demokratike ka deklaruar që nuk do të hyje ne zgjedhjet e 18 Qershorit, po nuk u plotësuan kushte e saj për qeveri teknike dhe zgjedhje të lira dhe të ndershme, kryeministri nga ana tjetër këmbëngul që zgjedhjet do të mbahen me 18 Qershor qofte edhe pa opozitën.
Statusi i plotë i RamësNesër, e enjte, në ora 5.30 pasdite, kush voton për herë të parë në Tiranë më 18 qershor dhe do të na bashkohet në përpjekjen tonë për Shqipërinë që duam, është i mirëseardhur në parkun pranë Skënderbeut😀🌹
Merrni një shok lagjeje, një shoqe klase, një mik a mikeshë e shihemi aty, për sa shumë kemi bërë, sa shumë akoma kemi për të bërë dhe sa shumë ka për të humbur, nëse ata që e duan Shqipërinë me shtet, punë, mirëqenie, nuk bëhen të gjithë bashkë.
c.a
