Dy video të tmerrshme që po qarkullojnë në rrjetet sociale, ku një qen Pitbull shqyen me dhëmbë dy të tjerë, ka sjellë dhe reagimin e Ministrisë së Bujqësisë, e cila ka kërkuar reagimin e organeve të drejtësisë për rastin në fjalë.
Videot që përmbajnë pamje shumë të rënda, janë publikuar mëse një muaj më parë në rrjetin social të një personi që quhet Bledi Hysenaj, 18 vjeçar, i cili mendohet të jetë pronari i Pit Bull-it vrasës.
Video ka sjellë një reagim të ashpër edhe nga opinioni publik… mjafton të shohësh komentet tek videot.
Reagimi i Ministrisë së Bujqësisë:
Në adresën e Ministrise se Bujqësise ka ardhur një video ku shfaqet një qen e racës Pit Bull duke masakruar një qen komunitar. Pamjet janë shokuese.
Ministria e Bujqësisë i kerkon organeve te hetimit verifikimin e burimit dhe te identifikimit të autorit të videos së hedhur ne mediat sociale ku shfaqen akte te mizorise ndaj kafsheve dhe marrjen e masave.
Ministria njofton se do te miratoje nje pakete aktesh normative mbi kriteret e mbajtjes te kafsheve me tipare agresive dhe pergjiesine ligjore te pronareve te tyre.
Më poshtë dy videot/ KUJDES, pamjet janë shumë të forta!
