Drejtuesi i një makine tip “Range Rover” duke dashur të parakalonte i ka rënë bories disa herë, por shoferi i taksisë nuk ka mundur t’i hapë rrugë. Sapo ka parakaluar, shoferi i “Range Rover”-it ka dalë nga automjeti dhe i ka qëlluar me grushte.
Taksisti që duket në moshë, nuk ka bërë gjë tjetër veçse ka lejuar në fytyrën e tij grushtet e shoferit tjetër. E gjitha kjo skenë duket në fillim të videos, ndërsa në fund të saj duke qartë shoferi që largohet duke mbajtur duart në faqe.
“Taksisti ishte i pari i rreshtit dhe ecte normal ky nga pas donte ta parakalonte dhe i binte bories disa here. Sapo e parakaloi i zuri rrugën dhe doli, i ra dhe iku”, thotë për “Jeta Osh Qef” raportuesi që ka filmuar këtë skenë aspak të këndshme në rrugët e Tiranës, duke pasur parasysh edhe moshën e taksistit.
