Një mekanik nga Ukraina, e ka kthyer veturën e vogël Smart, në një makinë që ka mundësi të lëviz në terrene të thepisura dhe të vështira.
Tekniku 29-vjeçar, ka blerë një Smart dhe e ka dërguar në ofiçinën e tij ku ka kryer edhe modifikimet.
Në veturën e vogël ai ka vënë pjesë nga Volkswagen, Honda dhe Mitsubishi, ndërsa i ka hequr të gjitha pjesët joesenciale, për ta bërë më të lehtë.
Me rrotat e mëdha, kjo veturë është ngritur 36 centimetra lart, duke i mundësuar të tejkalojë shumë vështirësi që mund t’i dalin në rrugë.
