Greqia ka kohë deri të dielën për gjetjen e një marrëveshje me Bashkimin Evropian në lidhje me borxhin dhe kushtet e kreditorëve. Populli grek e tha fjalën e tij të dielën e kaluar, ku në referendumin e thirrur nga kryeministri grek i tha “jo” masave shtrënguese të kreditorëve.
Megjihatë BE-ja i ka bërë ëtë ditur fqinjit tonë, se në rast se nuk gjendet një marrëveshje konsensuale mes palëve deri këtë të dielë, atëherë Greqia rrezikon seriozisht që të dalë nga Eurozona.
Kjo nënkupton se Greqia duhet të nisë të përdorë monedhën e re, më saktë rikthim në të kaluarën: dhraminë.
Në fakt, shteti helen është në dijeni të këtij fakti ndaj dhe ka nisur që të përgatitet për skenarin e daljes së saj nga Eurozona në rast të mos arritjes së një marrëveshje. Në Athinë, aty ku aktualisht shtypet euro për përdorimin e tij në Greqi, gjithçka është bërë gati që nga e hëna të nisë stampimi i monedhës tjetër, atë të dhramisë.
Siç shihet edhe në videon e mëposhtme, Greqia është gati, me makineritë që janë përgatitur që nga e hëna të nisin prodhimin e monedhës së re, dhe jo më të euros. Kjo nuk është hera e parë që Greqia përgatietet për një situatë të tillë. Në vitin 2012, kur vendi fqinj u përfshi nga kriza ekonomike, sërish kjo fabrikë u bë gati për prodhimin e dhramisë.
Por në atë kohë, ishte Bashkimi Evropianë i cili i erdhi në ndihmë Greqisë duke i dhënë para borxh për të shlyer borxhin që helenët kishin ndaj bankave ndërkombëtare.
