Vetëm një ditë më parë është publikuar kënga “Big Booty”, një bashkëpunim i Çiljetës me Lil Kolin dhe Filloretën, këngë e cila titullohet anglisht dhe dedikohet të pasmeve për të gjithë ata që nuk munden ta përkthejnë.
Çili i këndon të pasmeve të saj, ashtu siç bëri edhe disa vite më parë në duetin me Getoar Selimin, duke thyer tabu në tregun e shqiptar të muzikës.
“Big Booty” ka ngjallur kureshtje tek të gjithë fansat e këngëtares, ndërsa ka mbledhur më shumë se 300,000 klikime në më pak se 2 ditë. Megjithatë nuk besojmë se ekziston dikush që e pëlqen këtë këngë më shumë se djali i çiljetës, Ferndando.
Në një video të publikuar nga këngëtarja 30-vjeçare në Instagram, Fernando i vogël shfaqet duke kërcyer ‘me mish e me shpirt’ me tingujt e këngës që këndon mami i tij.
Çiljeta e ka shoqëruar videon me fjalët: “Iku u çmen’ dhe Fernando” dhe në fakt bashkë me të janë çmendur edhe ndjekësit e këngëtares që e kanë mbushur me komente pozitive dhe komplimenta për djalin.
