Një 64-vjeçar u ekzekutua në Pllanë të Lezhës mbrëmjen e kësaj të enjteje. Gjovalin Prendi u vra me armë zjarri në një lokal.
Ky është momenti kur familjarë të tij shkojnë në vendin e ngjarjes. Siç edhe mund të dëgjohet, në lokalin ku u vra Prendi ka shkuar edhe vajza e tij e cila thërret të atin.
Ai u dërgua në spital, por sapo ka mbërritur në duart e stafit mjekësor ka ndërruar jetë.
Kujtojmë se Gjovalin Prendi është babai i Sidorel Prendit, ose i njohur ndryshe si Roan Brahimi. Ky i fundit është ekzekutuar vitin e kaluar në Athinë. Emri i Roan Brahimit është lidhur me një sërë çështjesh kriminale.
