Një gazetareje në Tiranë i është vjedhur portofoli në makinën e parkuar në një zonë të kryeqytetit.
Përmes kësaj video shihet qartë momenti i vjedhjes, ndërsa gazetarja është Ornela Gaçe.
Ngjarja ka ndodhur një ditë më parë në një servis në kryeqytet, ndërsa lajmin e ka bërë publik vetë ajo duke postuar edhe pamjet e fiksuara nga kamera e sigurisë së një biznesi aty pranë.
Në video duket makina tip fuoristradë e gazetares që është e parkuar jashtë servisit. Një person rreth 50 vjeç, pasi konstaton se makina nuk është e mbyllur me çelës dhe që nuk e sheh njeri, hap derën e shoferit futet brenda gjysmë trup, merr portofolin dhe largohet.
Në momentin që ka mbyllur derën e makinës për t’u larguar qetësisht nga ana tjetër e mjetit nga dera kryesore e servisit del gazetarja që i drejtohet makinës, por pa kuptuar për vjedhjen që i ishte bërë.
Gazetarja thotë se ka kallëzuar rastin edhe në policinë e Tiranës, ndërsa nëpërmjet një postimi në Facebook ka kërkuar ndihmë “kush gjen një portofol me dokumentat e mia kartë identiteti, patente, etjjj të me shkruaj. Leket t’i gëzojë kush i ka gjet me interesojnë dokumentat flm!”, shkruan ajo.
c.a
