Një ngjarje e rëndë ka ndodhur paraditen e datës 31 dhjetor në Melbourne të Australisë, ku një çift i ri shqiptarësh është vrárë me ármë zjarri nga babai i vajzës. Veton dhe Lindita Musai, 29 dhe 25 vjeçe janë qëlluar për vdekje para shtëpisë së tyre. Pas aktit të rëndë, Osman Shaptafaj, babai i vajzës tentoi të vriste véten.
Tabloidi britanik “Daily Mail” shkruan se ngjarja ka ndodhur në orën 10:30 të paradites, dhe 55-vjeçari shkoi në banesën e dy të rinjve të cilët një natë më parë sapo kishin festuar përvjetorin e tyre të parë të martesës dhe qëlloi të bijën bashkë me të shoqin.
55-vjeçari qëlloi me armë çiftin pas një mosmarrëveshjeje mes tyre në prag të Vitit të Ri, vazhdon më tej “Daily Mail”.
Vajza humbi jetën në vend, ndërsa Vetoni, 29-vjeçari ndërroi jetë në spital. Sipas dëshmitarëve, babai i vajzës i kishte vënë armën në gjoks dhëndrit dhe më pas e ktheu nga vétja. Osman Shaptafaj jetonte në Altona North.
Ai ndodhet në spital, ku po merr ndihmën mjekësore nën ruajtjen e policisë pasi tentoi të vétëvritej. Mediat lokale raportojnë se skena ka tronditur të afërmit e çiftit, ndërkohë që ende nuk ka të dhëna sesa kohë kishin kohë dy të rinjtë dhe autori i krimit në Australi.
Nga vëzhgimi përmes rrjeteve sociale, ata shihen të dashuruar dhe të lumtur me njëri-tjetrin, ndërkohë që ishin të stabilizuar me punë. Lindita punonte në agjencinë e pronave të patundshme Colliers International, ndërsa Vetoni punonte në National Australia Bank. Ende nuk ka asnjë të dhënë për arsyet që çuan 55-vjeçarin drejt vrasjes së dyfishtë.
Policia e Victorias po heton një mosmarrëveshje familjare si motivin e sulmit vrasës në vigjiljen e Vitit të Ri.
Miqtë dhe familja e çiftit ishin të martën me lot në sy në rrugën periferike teksa ngushëllonin njëri-tjetrin.
Kushëriri i Z. Musai e ndau pikëllimin e tij në Facebook pasi 29-vjeçari vdiq në spital./javanews
g.kosovari
