Tmerre gjate nje festivali ushqimi ne Kaliforni.
Të paktën tre persona janë vrarë mes tyre edhe një fëmijë 6 vjeç ndërsa 15 të tjerë janë plagosur, pasi një person i paidentifikuar ka nisur të shtëna me armë zjarri ndaj pjesëmarrësve, kanë njoftuar autoritetet.
Një nga viktimat e vrarë ishte gjashtëvjeçari Steven Romero i San Jose, anëtarët e familjes konfirmuan për NBC Bay Area .
Nëna e djaloshit u qëllua gjithashtu në stomak dhe në dorë dhe u transportua me urgjencë në spital.
Zyrtarët pritet të vazhdojnë hetimet e tyre gjatë gjithë natës dhe do të japin informacion shtesë në një konferencë shtypi të hënën në mëngjes.
Këshilltari i qytetit Gilroy, Dion Bracco, ka thënë se këto të dhëna janë paraprake. Agjentët nga Byroja Federale, për alkool, duhan, të shtëna me armë zjarri dhe mjete shpërthyese kanë shkuar në skenën e incidentit, ka raportuar agjencia e lajmeve Associated Press.
Një dëshmitar i ka thënë televizionit NBC se sulmuesi ka qenë një person rreth 30 vjec.
Në një video të publikuar në rrjetet sociale shihen shumë njerëz të habitur dhe duke vrapuar për të gjetur ndonjë vend të sigurt.
I organizuar për herë të parë më 1979, Festivali i Hudhrës në Gilroy, ka qenë në përfundim të ditës së tretë dhe të fundit për këtë vit.
Ai njihet për akullore me hudhër, gara me ushqim dhe muzikë argëtuese.
Ky festival organizohet nga vullnetarë të komunitetit, të cilët mbledhin të holla për shkollat lokale, bamirësi dhe organizata joqeveritare.
g.kosovari
