Xhandarmëria dhe policia turke kanë kapur 1.5 ton drogë të ardhur nga Shqipëria.
Burime zyrtare bëjnë me dije se droga është e llojit kanabis sativa dhe u gjet në një zonë bregdetare, fshehur në një zonë të pyllëzuar.
Sipas mediave turke, policia kishte marrë informacion se gjatë këtyre ditëve në zonën e Muglas do të mbërrinte një sasi e madhe droge nga Shqipëria.
Menjëherë pas marrjes së informacionit ka nisur kontrolli i territorit duke konstatuar mjetin lundrues që u fut në zonë për të lënë sasinë e madhe të drogës.
Pasi konstatuan mjetin, policët shkuan në vendin ku dyshohej se ishte lënë lënda narkotike duke e sekuestruar atë. Nga operacioni, deri më tani janë arrestuar tre persona.
g.kosovari
